اى ديل هې مشکل، په لومړۍ ورځ طوفان جوړ کړ

د هندي سينما نوى په زړه پورې فلم، اى ديل هې مشکل پرون د اکتوبر په 28 مه خپور شو. په فلم کې رنبير کپور، ايشواراى بچن او انوشکا شرما کار کړى.

فلم د زياتو مينوالو د خوښې وړ ګرځيدلى او  په لومړۍ ورځ يې تر 13,30 کروړه هندي پيسې ګټلې دي.

دا په داسې حال کې ده، چې په فلم يواځې 70 کروړه مصرف راغلى، چې 10-15 په اعلاناتو لګيدلي.

تمه ده چې، فلم به نن او سبا هم زيات ليدونکي ولري چې ورسره به د عايد اندازه هم لوړه شي.